Kapet me 14 kallëpe tritoli, arrestohet 22-vjeçari

16:16 | 24 Tetor 2018
Arbresh.info

Një 22-vjeçar nga Kamza është arrestuar pasi në oborrin e banesës i janë gjetur 14 kallëpe të dyshuara si lëndë plasëse e llojit tritol.

Shërbimet e Policisë të Komisariatit Nr.5, në sajë të informacioneve të marra në rrugë operative bënë arrestimin në flagrancë të 22-vjeçarit Fatjon Leka.

Gjatë kontrollit të ushtruar në banesën e këtij shtetasi, në oborr i është gjetur e fshehur një qese plastmasi brenda së cilës kishte 14 kallëpe të dyshuara si lëndë plasëse e llojit tritol të cilat u sekuestruan në cilësinë e provës materiale.

Materialet iu referuan Prokurorisë së Rrethit Gjyqësor në ngarkim të shtetasit të lartpërmendur për veprën penale “Prodhim dhe mbajtje pa leje të armëve dhe municionit luftarak”, parashikuar nga neni 278 i Kodit Penal./Top Channel

Shpërndaje në rrjete sociale

Lajmet më të lexuara

Të ngjashme

Foto lajm